ეთნოწმენდის ტოპოგრაფია

”ეთნოწმენდის ტოპოგრაფია” 2008 წლის აგვისტოს ომის შედეგად ცხინვალის რეგიონში ჩატარებულ ეთნიკურ წმენდასა და ქართული სოფლების ომისშემდგომ მდგომარეობას ასახავს. ”ეთნოწმენდის ტოპოგრაფია” თავს უყრის ეთნიკური წმენდის დამადასტურებელ ფოტო, ვიდეო და აუდიო მასალას. ცხინვალის რეგიონის ომამდელ და ომის შემდგომ გადაღებულ სატელიტურ ფოტოებში, ნათლად ჩანს, რომ ომის შედეგად მიზანმიმართულად განადგურდა და მიწასთან გასწორებულ იქნა ქართული სოფლების დიდი ნაწილი, რაც ქართველების მიმართ განხორციელებული ეთნიკური წმენდის კიდევ ერთ დოკუმენტურ დადასტურებას წარმოადგენს.
”ეთნიკური წმენდიდან დაბრუნებამდე”

გამოფენა ეყრდნობა საქართველოს ეროვნული არქივიდან მოპოვებულ დოკუმენტურ ფოტომასალას, რომელიც ეთნიკური წმენდისა და დევნილობის ფრაგმენტებს ასახავს. ფოტოები გაცოცხლებულია უნიკალური 3D ვიდეო ანიმაციის საშუალებით.
ფლეშმობი - „მინდა დავბრუნდე“, იგივე „BRING ME BACK HOME”

ა/წ 7 აგვისტოს, 18:00სთ–ზე 2008 წლის აგვისტოს ომის დაწყების 3 წლისთავზე, არასამთავრობო ორგანიზაციამ „კოალიცია სამართლიანობისათვის“ დევნილების დაბრუნების მოთხოვნით საქართველოში უპრეცედენტო მასშტაბის ფლეშმობი გამართა. აქცია ქ. ბათუმში, ახალი ბულვარის ამფითეატრში ჩატარდა და მასში 500 ადამიანმა მიიღო მონაწილეობა.
მუსიკა ათავისუფლებს!

პროექტის ”ზუგდიდი - მუსიკა ათავისუფლებს“ ძირითად მიზანს წარმოადგენდა მსოფლიო საზოგადოებისა და მედიის ყურადღების ფოკუსირება იძულებით გადაადგილებულ პირთა პრობლემებზე, მათ დარღვეულ უფლებებზე.