”კოალიცია სამართლიანობისათვის” აგრძელებს საერთაშორისო და ადგილობრივ არასამთავრობო ორგანიზაციებთან შეხვედრებს საქართველოს ოკუპირებულ ტერიტორიებზე ადამიანის უფლებების დარღვევების 2011 წლის ანგარიშის თაობაზე.

21 მარტს რასობრივ დისკრიმინაციასთან, ქსენოფობიასთან და შეუწყნარებლობასთან ბრძოლის საერთაშორისო დღეა. ამ დღის აღსანიშნავად ”კოალიციამ სამართლიანობისათვის” სოხუმის სახელმწიფო უნივერსიტეტს საქართველოს ოკუპირებულ ტერიტორიებზე ადამიანის უფლებების დარღვევების შესახებ 2011 წლის ანგარიში წარუდგინა. პრეზენტაციასთან ერთად გაიმართა დისკუსია, რომელშიც სოხუმის სახელმწიფო უნივერსიტეტის პროფესორ-მასწავლებლებმა მიიღეს მონაწილეობა.

ა/წ 7 მარტს სასტუმრო ციტადინში, ”კოალიციამ სამართლიანობისათვის” საქართველოს ოკუპირებულ ტერიტორიებზე ადამიანის უფლებების დარღვევების შესახებ 2011 წლის წლიური ანგარიშის პრეზენტაციას გამართა. პრეზენტაციასთან ერთად გაიმართა დისკუსია, რომელშიც საქართველოში ადამიანის უფლებების შესახებ მომუშავე არასამთავრობო ორგანიზაციებისა და სახელმწიფო სტრუქტურების წარმომადგენლებმა მიიღეს მონაწილეობა.

არასამთავრობო ორგანიზაცია ”კოალიცია სამართლიანობისათვის” ეხმიანება გერმანელი დიპლომატის, 1999-2000 წლებში გაეროს გენერალური მდივნის სპეციალური წარმომადგენლის ქართულ-აფხაზური კონფლიქტის დარეგულირების საქმეში და 1995-1996 წლებში საქართველოში ეუთოს სპეციალური მისიის ხელმძღვანელის, ბ-ნი დიტერ ბოდენის ბოლო ვიზიტს აფხაზეთში.

ა/წ 29 დეკემბერს კოალიციამ სამართლიანობისათვის კოდის კომპაქტურ დასახლებაში მცხოვრები  დევნილი მოსახლეობა მოინახულა და საახალწლოდ კომპიუტერი და ინტერნეტის ერთწლიანი სასაჩუქრე პაკეტი გადასცა.

კამპანია ”მინდა დავბრუნდე”-ს ფარგლებში კოალიცია სამართლიანობისათვის განაგრძობს დევნილების დაბრუნების უფლებაზე მრგვალი მაგიდის სერიების მასპინძლობას. ა/წ 27 დეკემბერს, კოალიციამ ევროპის სახლში დევნილებთან მორიგი შეხვედრა გამართა, რომელშიც თბილისის კომპაქტურ ცენტრებში დასახლებულმა 15-მდე აფხაზეთიდან დევნილმა მიიღო მონაწილეობა.

ა/წ 9 დეკემბერს, ადამიანის უფლებათა დაცვის საერთაშორისო დღესთან დაკავშირებით, „კოალიციამ სამართლიანობისათვის“ დევნილების უფლებებზე 2011 წლის საუკეთესო მედია ნამუშევრების ავტორები დააჯილდოვა.

 5-დღიანი ომის შედეგად სრულიად განადგურდა რამდენიმე ქართული სოფელი. სახლების გადაწვა და ნგრევა ეთნიკური წმენდის პოლიტიკის განუყოფელი ნაწილი გახდა. სატელიტური ფოტოები ადასტურებენ იმ ფაქტს, რომ ეს ქმედებები განხორციელდა ქართველი მშვიდობიანი მოსახლეობის საკუთარ სახლებში დაბრუნების აღსაკვეთად. ეს სატელიტური ფოტოები გადაღებულია 2008 წლის ომამდე და ომის შემდეგ.

ა/წ 13 ნოემბერს 14:00სთ–ზე ”კოალიცია სამართლიანობისათვის” პარტნიორ არასამთავრობო ორგანიზაციებთან ერთად გამართა პრეს-კონფერენცია, სადაც ქართულმა არასამთავრობო ორგანიზაციებმა ცხინვალის რეგიონში 13 ნოემბერს დაგეგმილ არალეგიტიმურ საპრეზიდენტო არჩევნებთან დაკავშირებით ერთობლივ განცხადება გააკეთეს.

27 სექტემბერს, სოხუმის დაცემის დღეს, კოალიციამ სამართლიანობისათვის ეთნიკური წმენდის მსხვერპლთა ხსნოვნისადმი მიძღვნილ ფოტოინსტალაციების გამოფენას ”ეთნიკური წმენდიდან დაბრუნებამდე” უმასპინძლა.

ა/წ 7 აგვისტოს, 18:00სთ–ზე 2008 წლის აგვისტოს ომის დაწყების 3 წლისთავზე, არასამთავრობო ორგანიზაციამ „კოალიცია სამართლიანობისათვის“ დევნილების დაბრუნების მოთხოვნით საქართველოში უპრეცედენტო მასშტაბის ფლეშმობი გამართა. აქცია ქ. ბათუმში, ახალი ბულვარის ამფითეატრში ჩატარდა და მასში 500 ადამიანმა მიიღო მონაწილეობა.

არასამთავრობო ორგანიზაცია „კოალიცია სამართლიანობისათვის“ მიესალმება გაეროს გენერალური ასამბლეის მიერ 2011 წლის 29 ივნისს მიღებულ რეზოლუციას აფხაზეთიდან და სამხრეთ ოსეთიდან იძულებით გადაადგილებულ პირთა სტატუსის შესახებ.

”კოალიცია სამართლიანობისათვის” მიესალმება ”Freedom House”-ის მიერ გამოქვეყნებულ ანგარიშს სახელწოდებით ”უარესები უარესთა შორის 2011 - მსოფლიოს ყველაზე რეპრესიული საზოგადოებები”. ”კოალიცია სამართლიანობისათვის” ასევე  სათანადოდ აფასებს ”Freedom House”-ის ძალისხმევას გააგრძელოს საერთაშორისო საზოგადოების  ინფორმირება ანგარიშში წარმოდგენილი ქვეყნების მოქალაქეების უფლებათა სისტემატური და ფართოდ გავრცელებული დარღვევების შესახებ.

“კოალიცია სამართლიანობისათვის” მიესალმება “Amnesty International”-ის მიერ 2011 წლის ანგარიშის გამოქვეყნებას – “მსოფლიოში ადამიანის უფლებათა დაცვის მდგომარეობა.” მისასალმებელია, რომ ანგარიშში საქართველოს იძულებით გადაადგილებულ პირთა (იგპ) მდგომარეობა განხილულია ადამიანის უფლებათა დაცვის გლობალურ კონტექსტში. უმნიშვნელოვანესია, რომ საქართველოში მცხოვრები იძულებით გადაადგილებული მოსახლეობის პრობლემები გავაცნოთ საერთაშორისო თანამეგობრობას  და რომ ეს საკითხი განხილვის საგნად დარჩეს როგორც აკადემიურ წრეებში, ისე ადამიანის უფლებათა საკითხებზე მომუშავე ჯგუფებში. ანგარიშში აღნიშნულია პროგრესი იძულებით გადაადგილებულ პირთათვის განსახლების პირობების გრძელვადიანი გადაწყვეტის საქმეში – ე.წ. კომპაქტური  დასახლებების რეაბილიტაციამ და დევნილთათვის ქონების საკუთრებაში გადაცემამ გარკვეულწილად, მართლაც შეამსუბუქა ამ მოწყვლადი ჯგუფის ყოველდღიურობის სიმძიმე.

მიმდინარე წლის თებერვალში ორგანიზაცია „ამერიკული პროგრესის ცენტრმა“ გამოაქვეყნა ანგარიში სახელწოდებით „საქართველოს კონფლიქტებისადმი აშშ–ს მიდგომის გააქტიურება”. თავის ანგარიშში ავტორები რეკომენდაციებს აძლევენ აშშ-ს პოლიტიკურ წრეებს საქართველოს კონფლიქტების შესაძლო მოგვარებასთან დაკავშირებით.

ამა წლის 16 მარტს, 13:00  საათზე,  1993 წლის 15-16 მარტს სოხუმზე განხორციელებული შეტევის მე-18 წლისთავთან დაკავშირებით, არასამთავრობო ორგანიზაციამ ”კოალიცია სამართლიანობისათვის” გმირთა მემორიალთან დაღუპულთა ხსოვნას  პატივი მიაგო.

30 დეკემბერს, არასამთავრობო ორგანიზაცია „კოალიცია სამართლიანობისათვის“ ორგანიზებით, საბავშო გასართობ ცენტ   ,,მადაგასკარში” (რუსთაველის გამზირი №5, კონოთეატრი ,,რუსთაველი”) დევნილი ბავშვებისათვის საახალწლო ზეიმი მოეწყო - გაიმართა გასართობი შოუ–პროგრამა და ბავშვებს საახალწლო საჩუქრები გადაეცათ. ზეიმი  11:30 საათზე დაიწყო და ორი საათის განმავლობაში გაგრძელდა.

მიმდინარე წლის 18-19 დეკემბერს, ქ. თბილისში, სასტუმრო ”რადისონ ბლუ ივერიაში”, არასამთავრობო ორგანიზაციამ ”კოალიცია სამართლიანობისათვის” მონაწილეობა მიიღო ”აფხაზეთის მოსახლეობის განათლებისა და დასაქმების ფორუმში”.

არასამთავრობო ორგანიზაცია ,,კოალიცია სამართლიანობისათვის” გახდა ”კოალიაცია ევროპული საქართველოსთვის” წევრი, რომელიც 2010 წლის 15 დეკემბერს, ქ. თბილისში შეიქმნა. მასში სამოქალაქო საზოგადოების განვითარების, ადამიანის უფლებებისა და ეკონომიკური თავისუფლების სფეროებში საქართველოში მოქმედი ორმოცდაათზე მეტი არასამთავრობო ორგანიზაცია გაერთიანდა. კოალიციის მიზანია საქართველოში ფუნდამენტური ევროპული ფასეულობების დამკვიდრება და ევროკავშირსა და საქართველოს შორის მოლაპარაკებებში არასამთავრობო სექტორის აქტიური მონაწილეობის მხარდაჭერა.

7 დეკემბერს, კოტე მარჯანიშვილის სახელობის სახელმწიფო დრამატულ თეატრში მოქვის სახარების გადასარჩენად საქველმოქმედო აქცია-კონცერტი გაიმართა.

14 ნოემბერს, ქ. თბილისში, ეთნოგრაფიულ მუზეუმში, აფხაზეთის ავტონომიური რესპუბლიკის მთავრობის ორგანიზებით სახალხო ზეიმი „აფხაზეთობა 2010“ გაიმართა, რომელშიც მონაწილეობა მიიღო     არასამთავრობო ორგანიზაცია ”კოალიცია სამართლიანობისათვის”.   ორგანიზაციის  პროექტის - ”მეხსიერების ბიბლიოთეკას” ჩარჩოებში მოეწყო  ექსპონატების გამოფენა ღია ცის ქვეშ. გამოფენის სტუმრებს საჩუქრად აფხაზეთის გეოგრაფიული რუკები გადაეცათ.

მიმდინარე  წლის  18-19 დეკემბერს, ქ. თბილისში, სასტუმრო „რადისონ ბლუ ივერიაში“,   არასამთავრობო ორგანიზაცია “კოალიცია სამართლიანობისათვის” მონაწილეობას მიიღებს  ”აფხაზეთის მოსახლეობის განათლებისა და დასაქმების ფორუმში”.

”ეთნიკური წმენდის ტოპოგრაფია” - ასე ეწოდება გამოფენას, რომელიც ”კოალიცია სამართლიანობისათვის” 13 ნოემბერს გამართა ”ევროპის სახლის” საგამოფენო დარბაზში. გამოფენაზე წარმოდგენილი იყო 2008 წელს ქართველების მიმართ განხორციელებული ეთნიკური წმენდის დამადასტურებელი ფოტო, ვიდეო და აუდიო მასალა, მათ შორის ცხინვალის რეგიონის სატელიტური ფოტოები. ცხინვალის რეგიონის ომამდელ და ომის შემდგომ გადაღებულ სატელიტურ ფოტოებში, ნათლად ჩანს, რომ ომის შედეგად მიზანმიმართულად განადგურდა და მიწასთან გასწორებულ იქნა ქართული სოფლების დიდი ნაწილი, რაც ქართველების მიმართ განხორციელებული ეთნიკური წმენდის კიდევ ერთ დოკუმენტურ დადასტურებას წარმოადგენს.

მიმდინარე წლის 30 სექტემბრიდან 8 ოქტომბრის ჩათვლით ქ. ვარშავაში გაიმართა ეუთოს მიმოხილვითი კონფერენცია, რომელშიც მონაწილეობა მიიღეს ჩვენი არასამთავრობო ორგანიზაციის წარმომადგენლებმა. ეს იყო პირველი ნაწილი სამნაწილიანი მიმოხილვითი კონფერენციისა, რომელიც წინ უძღვის ამა წლის 1-2 დეკემბერს ქ. ასტანაში გასამართ ეუთოს სამიტს.

7 აგვისტოს განმუხურში "თავისუფლების ბულვარი" გაიხსნა, სადაც მოეწყო არასამთავრობო ორგანიზაციის ”კოალიცია სამართლიანობისათვის” პროექტის ”მეხსიერების ბიბლიოთეკის” ექსპონატების გამოფენა ღია სივრცეში.

არასამთავრობო ორგანიზაცია „კოალიცია სამართლიანობისათვის’’ ცხინვალის რეგიონიდან  დევნილი მოზარდებისათვის, რომლებიც კოდის კომპაქტურ დასახლებაში ცხოვრობენ,  საქველმოქმედო აქცია მოაწყო.